72ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ: 'ಮಿಥ್ಯ'ಗೆ 3, 'ಇಂಬು'ಗೆ 1 ಗೌರವ - ಸ್ಯಾಂಡಲ್​ವುಡ್ ಸಾಧಕರಿಗೆ ರಾಷ್ಟ್ರಪತಿಗಳಿಂದ ಪುರಸ್ಕಾರ

ಚಂದ್ರವಳ್ಳಿ ನ್ಯೂಸ್ ಏಕ್ತಾ ನಗರ (ಗುಜರಾತ್): ಪ್ರತಿಷ್ಠಿತ 72ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪ್ರದಾನ ಸಮಾರಂಭವು ಗುಜರಾತ್‌ನ ಏಕ್ತಾ ನಗರದಲ್ಲಿ ನಡೆದಿದ್ದು, ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ವಿಜೇತರಿಗೆ ಪ್ರಶಸ್ತಿಗಳನ್ನು ಪ್ರದಾನ ಮಾಡಿದರು. ಈ ಸಮಾರಂಭದಲ್ಲಿ ವಿವಿಧ ವಿಭಾಗಗಳಲ್ಲಿ ಒಟ್ಟು 92 ಮಂದಿ ಪ್ರಶಸ್ತಿಗಳನ್ನು ಸ್ವೀಕರಿಸಿದ್ದು, ಕನ್ನಡ ಹಾಗೂ ತುಳು ಚಿತ್ರರಂಗದ ಸಾಧಕರು ರಾಷ್ಟ್ರಮಟ್ಟದಲ್ಲಿ ಮಿಂಚಿದ್ದಾರೆ.

Also read

​ ಇಮ್ರಾನ್-ಆಶಾ ಆತ್ಮಹತ್ಯೆ, ಸಾಮಾಜಿಕ ಜಾಲತಾಣದಲ್ಲಿ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ: 11 ಇನ್‌ಸ್ಟಾಗ್ರಾಮ್ ಖಾತೆ ಬಳಕೆದಾರರ ವಿರುದ್ಧ FIR

​2024ರ ಜನವರಿ 1ರಿಂದ ಡಿಸೆಂಬರ್ 31ರವರೆಗೆ ಸಿಬಿಎಫ್‌ಸಿ (CBFC) ಪ್ರಮಾಣೀಕರಿಸಿದ ಸಿನಿಮಾಗಳನ್ನು ಪ್ರಶಸ್ತಿಗೆ ಪರಿಗಣಿಸಲಾಗಿದ್ದು, ಫಿಲ್ಮ್ ಮೇಕರ್ ಜಯರಾಜ್ ನೇತೃತ್ವದ 11 ಸದಸ್ಯರ ತೀರ್ಪುಗಾರರ ಮಂಡಳಿಯು ವಿಜೇತರನ್ನು ಆಯ್ಕೆ ಮಾಡಿತ್ತು.
​ಕನ್ನಡ ಹಾಗೂ ತುಳು ಸಿನಿಮಾಗಳಿಗೆ ಸಂದ ಪ್ರಶಸ್ತಿಗಳ ವಿವರ:

​ಅತ್ಯುತ್ತಮ ಕನ್ನಡ ಸಿನಿಮಾ: 'ಮಿಥ್ಯ' (ನಿರ್ದೇಶನ: ಸುಮಂತ್ ಭಟ್ | ನಿರ್ಮಾಣ: ಪರಂವಃ ಪಿಕ್ಚರ್ಸ್ ಹಾಗೂ ಕೆಆರ್‌ಜಿ ಸ್ಟುಡಿಯೋಸ್)
​ಅತ್ಯುತ್ತಮ ಬಾಲ ಕಲಾವಿದ: ಅತೀಶ್ ಎಸ್. ಶೆಟ್ಟಿ ('ಮಿಥ್ಯ' ಚಿತ್ರದ ನಟನೆಗಾಗಿ - ಬಹುಭಾಷಾ ಪ್ರತಿಭೆಗಳೊಂದಿಗೆ ಹಂಚಿಕೆ)
​ಪೋಷಕ ಪಾತ್ರದಲ್ಲಿ ಅತ್ಯುತ್ತಮ ನಟಿ: ರೂಪಶ್ರೀ ವರ್ಕಾಡಿ ('ಮಿಥ್ಯ' ಚಿತ್ರಕ್ಕಾಗಿ)

​ಅತ್ಯುತ್ತಮ ತುಳು ಸಿನಿಮಾ: 'ಇಂಬು' (ನಿರ್ದೇಶನ: ಶಿವಧ್ವಜ್ ಶೆಟ್ಟಿ | ನಿರ್ಮಾಣ: ಪಿಚ್ಚರ್ ಸ್ಟುಡಿಯೋ)
​ಸಿನಿಮಾ ಕುರಿತ ಅತ್ಯುತ್ತಮ ಪುಸ್ತಕ: 'ನಾನಿರುವುದೇ ನಿಮಗಾಗಿ ನಾಡಿರುವುದೇ ನನಗಾಗಿ: ಕನ್ನಡ ಸಿನಿಮಾದ ತತ್ವ ಮತ್ತು ರಾಜಕೀಯ' (ಲೇಖಕ: ಕೆಂಚನೂರು ಪ್ರದೀಪ್ ಕುಮಾರ್ ಶೆಟ್ಟಿ | ಪ್ರಕಾಶನ: ಮಿರರ್ ಬುಕ್ಸ್)
​ಮಿಥ್ಯ ಸಿನಿಮಾದ ಕಥಾಹಂದರ:
ರಕ್ಷಿತ್ ಶೆಟ್ಟಿ ಒಡೆತನದ ಪರಂವಃ ಪಿಕ್ಚರ್ಸ್ ಹಾಗೂ ಕೆಆರ್‌ಜಿ ಸ್ಟುಡಿಯೋಸ್ ಜಂಟಿಯಾಗಿ ನಿರ್ಮಿಸಿರುವ 'ಮಿಥ್ಯ' ಚಿತ್ರದ ಮೂಲಕ ಸುಮಂತ್ ಭಟ್ ಸ್ವತಂತ್ರ ನಿರ್ದೇಶಕರಾಗಿ ಪಾದಾರ್ಪಣೆ ಮಾಡಿದ್ದಾರೆ. 

Also read

ಹಿರಿಯೂರು ತಾಲೂಕಿನ ಮೇಟಿಕುರ್ಕೆಯಲ್ಲಿ ಇಂದು ‘ಸಮಾನತೆಗಾಗಿ ಸಹಭೋಜನ’ ಕಾರ್ಯಕ್ರಮ

11 ವರ್ಷದ ಬಾಲಕನೊಬ್ಬ ಪೋಷಕರ ನಿಧನದ ನಂತರ ಆ ದುಃಖದಿಂದ ಹೊರಬಂದು, ಹೊಸ ಸಂಬಂಧ ಹಾಗೂ ಸ್ನೇಹವನ್ನು ಹುಡುಕುತ್ತಾ ಸಾಗುವ ಭಾವುಕ ಪಯಣವೇ ಈ ಚಿತ್ರದ ಮುಖ್ಯ ಕಥಾವಸ್ತು. ಉದಿತ್ ಖುರಾನ ಅವರ ಛಾಯಾಗ್ರಹಣ ಹಾಗೂ ಮಿಥುನ್ ಮುಕುಂದನ್ ಅವರ ಸಂಗೀತ ಚಿತ್ರಕ್ಕಿದೆ.