ಬಿಗ್ ಬಾಸ್ ಸೀಸನ್-13: ಮೊದಲ ವೈಲ್ಡ್ ಕಾರ್ಡ್ ಎಂಟ್ರಿಯಲ್ಲೇ ಅಬ್ಬರಿಸಿದ 'ಘಾಟಿ ಗಾನವಿ'!

ಚಂದ್ರವಳ್ಳಿ ನ್ಯೂಸ್, ಬೆಂಗಳೂರು:
ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್ ಕನ್ನಡ ಸೀಸನ್ 13' ರಂಗೇರುತ್ತಿದ್ದು, ಶೋಗೆ ಮೊದಲ ವೈಲ್ಡ್ ಕಾರ್ಡ್ ಸ್ಪರ್ಧಿಯಾಗಿ ಕಾಲಿಟ್ಟಿರುವ ನಟಿ ಗಾನವಿ ಗೌಡ ತಮ್ಮ ಖಡಕ್ ಮಾತು ಹಾಗೂ ದಿಟ್ಟ ನಿರ್ಧಾರಗಳ ಮೂಲಕ ಮೊದಲ ದಿನವೇ ಮನೆಯಲ್ಲಿ ಭಾರೀ ಸದ್ದು ಮಾಡಿದ್ದಾರೆ. ಎಂಟ್ರಿ ಕೊಟ್ಟ ತಕ್ಷಣವೇ ತಮ್ಮ ಆಕ್ರಮಣಕಾರಿ ಆಟದ ಮೂಲಕ ಗಮನ ಸೆಳೆದಿದ್ದಾರೆ.

Also read

​ ಇಮ್ರಾನ್-ಆಶಾ ಆತ್ಮಹತ್ಯೆ, ಸಾಮಾಜಿಕ ಜಾಲತಾಣದಲ್ಲಿ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ: 11 ಇನ್‌ಸ್ಟಾಗ್ರಾಮ್ ಖಾತೆ ಬಳಕೆದಾರರ ವಿರುದ್ಧ FIR

ಘಾಟಿ ಗಾನವಿ ಗೌಡ ಅವರ ಆಗಮನದಿಂದ ಮನೆಯ ಹಳೇ ಸ್ಪರ್ಧಿಗಳಿಗೆ ಬಿಗ್ ಶಾಕ್ ಕಾದಿದೆ. ಬನ್ವರ್‌ಗೆ ಬಂದ ತಕ್ಷಣವೇ ಅವರು ತೋರಿಸಿದ ಪವರ್ ಇತರ ಸ್ಪರ್ಧಿಗಳಲ್ಲಿ ನಡುಕ ಹುಟ್ಟಿಸಿದೆ.

ಗಾನವಿ ಗೌಡ ಎಂಟ್ರಿಯ ಹೈಲೈಟ್ಸ್: ಮೊದಲೇ ಕಠಿಣ ಪಾಠ: ಮನೆಗೆ ಕಾಲಿಡುತ್ತಿದ್ದಂತೆ ಯಶಸ್ ಹಾಗೂ ಕಿರಣ್ ಶಾಸ್ತ್ರಿ ವಿರುದ್ಧ ಖಡಕ್ ನಿರ್ಧಾರ ಕೈಗೊಂಡ ಗಾನವಿ, ಅವರಿಬ್ಬರನ್ನೂ ಮನೆಯಿಂದಲೇ ಹೊರಗಿಡುವ ಮೂಲಕ ತಮ್ಮ ಆಡಳಿತದ ಪವರ್ ತೋರಿಸಿದರು. ಇದರಿಂದ ಯಶಸ್ ಹಾಗೂ ಕಿರಣ್ ಶಾಸ್ತ್ರಿ ಮತ್ತೆ ಆತಂಕಕ್ಕೆ ಒಳಗಾಗುವಂತಾಗಿದೆ.

ಫೋನ್ ಕಾಲ್ ಟಾಸ್ಕ್ ಮೂಲಕ ಡೋಸ್: ಮನೆಗೆ ಪ್ರವೇಶಿಸುವ ಮುನ್ನವೇ ಫೋನ್ ಕಾಲ್ ಟಾಸ್ಕ್ ಮೂಲಕ ಮನೆಯೊಳಗೆ ಇದ್ದ ಹಳೆಯ ಸ್ಪರ್ಧಿಗಳಿಗೆ ಕಠಿಣ ಪ್ರಶ್ನೆಗಳನ್ನು ಕೇಳಿ ನೇರ ಸವಾಲು ಹಾಕಿದರು.

Also read

ಹಿರಿಯೂರು ತಾಲೂಕಿನ ಮೇಟಿಕುರ್ಕೆಯಲ್ಲಿ ಇಂದು ‘ಸಮಾನತೆಗಾಗಿ ಸಹಭೋಜನ’ ಕಾರ್ಯಕ್ರಮ

ಮಹಿಳಾ ವಿಭಾಗದ ಪ್ರಬಲ ಸ್ಪರ್ಧಿ: ತಮ್ಮ ದಿಟ್ಟ ನಡೆ ಹಾಗೂ ಕಟ್ಟುನಿಟ್ಟಿನ ನಿರ್ಧಾರಗಳ ಮೂಲಕ ಈ ಬಾರಿಯ ಬಿಗ್ ಬಾಸ್ ಮನೆಯ ಅತ್ಯಂತ ಸ್ಟ್ರಾಂಗ್ ಸ್ಪರ್ಧಿಯಾಗಿ ಹೊರಹೊಮ್ಮುವ ಸ್ಪಷ್ಟ ಮುನ್ಸೂಚನೆ ನೀಡಿದ್ದಾರೆ.

ಗಾನವಿ ಗೌಡ ಹಿನ್ನೆಲೆ ಏನು?: ಚಿಕ್ಕಮಗಳೂರು ಮೂಲದ ಗಾನವಿ ಗೌಡ ಅವರು 18 ಜನರ ದೊಡ್ಡ ಕುಟುಂಬದಿಂದ ಬಂದವರು. ಇವರ ತಾಯಿ ಪೊಲೀಸ್ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದು, ಸದ್ಯ ಕುಟುಂಬ ಬೆಂಗಳೂರಿನಲ್ಲಿ ನೆಲೆಸಿದೆ. ಪ್ರಸ್ತುತ ಅಂತಿಮ ವರ್ಷದ 'ಲಾ' (Law) ವ್ಯಾಸಂಗ ಮಾಡುತ್ತಿರುವ ಗಾನವಿ, ಕಿರುತೆರೆ ಹಾಗೂ ಚಲನಚಿತ್ರಗಳಲ್ಲಿ ಸಣ್ಣಪುಟ್ಟ ಪಾತ್ರಗಳಲ್ಲಿ ನಟಿಸಿದ್ದಾರೆ. ಜೀ ಕನ್ನಡದ 'ಹಳ್ಳಿ ಪವರ್' ರಿಯಾಲಿಟಿ ಶೋನಲ್ಲಿ ರನ್ನರ್-ಅಪ್ ಆಗಿ ಹೊರಹೊಮ್ಮಿದ್ದ ಇವರಿಗೆ, ಖ್ಯಾತ ನಿರೂಪಕ ಅಕುಲ್ ಬಾಲಾಜಿ 'ಘಾಟಿ ಗಾನವಿ' ಎಂದು ನಾಮಕರಣ ಮಾಡಿದ್ದರು.

"ನನ್ನ ಕನಸುಗಳನ್ನು ನನಸು ಮಾಡಿಕೊಳ್ಳಲು ಬಂದಿದ್ದೇನೆ, ಬಿಗ್ ಬಾಸ್ ನನಗೆ ಅಲ್ಟಿಮೇಟ್ ಮೈಲಿಗಲ್ಲು" ಎಂದು ಹೇಳಿ ಭರ್ಜರಿಯಾಗಿ ಎಂಟ್ರಿ ಕೊಟ್ಟಿರುವ ಗಾನವಿ ಗೌಡ ಅವರ ಮುಂದಿನ ಆಟ ಹೇಗಿರಲಿದೆ ಎಂಬುದನ್ನು ಕಾದು ನೋಡಬೇಕಿದೆ.