ರಾಷ್ಟ್ರಗೀತೆ 'ವಂದೇ ಮಾತರಂ' ಕುರಿತ ರಾಜ್ಯ ಸರ್ಕಾರದ ನಿರ್ಧಾರ ಮರುಪರಿಶೀಲಿಸುವಂತೆ ಮುಖ್ಯಮಂತ್ರಿ ಶಿವಕುಮಾರ್‌ಗೆ ರಾಜ್ಯಪಾಲರ ಪತ್ರ

ಚಂದ್ರವಳ್ಳಿ ನ್ಯೂಸ್ ಬೆಂಗಳೂರು 
​ಕರ್ನಾಟಕ ರಾಜ್ಯ ಸರ್ಕಾರದ ಕಾರ್ಯಕ್ರಮಗಳಲ್ಲಿ ರಾಷ್ಟ್ರೀಯ ಗೀತೆ "ವಂದೇ ಮಾತರಂ" ನ ಮೊದಲ ಎರಡು ಚರಣಗಳನ್ನು  ಮಾತ್ರ ಹಾಡಬೇಕು ಎಂದು ರಾಜ್ಯ ಸರ್ಕಾರ ಹೊರಡಿಸಿರುವ ಆದೇಶವನ್ನು ಮರುಪರಿಶೀಲಿಸುವಂತೆ ಕರ್ನಾಟಕದ ರಾಜ್ಯಪಾಲರಾದ ಥಾವರ್‌ಚಂದ್ ಗೆಹಲೋತ್ ಅವರು ಮುಖ್ಯಮಂತ್ರಿ ಡಿ. ಕೆ. ಶಿವಕುಮಾರ್ ಅವರಿಗೆ ಪತ್ರ ಬರೆದು ಸೂಚಿಸಿದ್ದಾರೆ.  

Also read

​ ಇಮ್ರಾನ್-ಆಶಾ ಆತ್ಮಹತ್ಯೆ, ಸಾಮಾಜಿಕ ಜಾಲತಾಣದಲ್ಲಿ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ: 11 ಇನ್‌ಸ್ಟಾಗ್ರಾಮ್ ಖಾತೆ ಬಳಕೆದಾರರ ವಿರುದ್ಧ FIR

​ಪತ್ರದ ಮುಖ್ಯ ಮುಖ್ಯಾಂಶಗಳು:
​ಕೇಂದ್ರ ಸರ್ಕಾರದ ಮಾರ್ಗದರ್ಶಿ ಸೂತ್ರಗಳ ಉಲ್ಲಂಘನೆ: ರಾಜ್ಯ ಸರ್ಕಾರದ ಕಾರ್ಯಕ್ರಮಗಳಲ್ಲಿ ವಂದೇ ಮಾತರಂ ಗೀತೆಯ ಮೊದಲ ಎರಡು ಚರಣಗಳನ್ನು ಮಾತ್ರ ಹಾಡಲು ನೀಡಿರುವ ನಿರ್ದೇಶನವು ಕೇಂದ್ರ ಸರ್ಕಾರದ ಮಾರ್ಗದರ್ಶಿ ಸೂತ್ರಗಳಿಗೆ ಹಾಗೂ 'ರಾಷ್ಟ್ರೀಯ ಗೌರವಕ್ಕೆ ಅಪಮಾನ ತಡೆ (ತಿದ್ದುಪಡಿ) ಕಾಯ್ದೆ, 2026' ಕ್ಕೆ ವಿರುದ್ಧವಾಗಿದೆ ಎಂದು ರಾಜ್ಯಪಾಲರು ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ.  

​ಕೇಂದ್ರ ಗೃಹ ಸಚಿವಾಲಯದ ನಿಯಮಗಳು: ಕೇಂದ್ರ ಗೃಹ ಸಚಿವಾಲಯವು "ವಂದೇ ಮಾತರಂ" ಹಾಡುವ ಕುರಿತು ಅಧಿಕೃತ ಆವೃತ್ತಿ ಮತ್ತು ಪ್ರೋಟೋಕಾಲ್ (ನಿಯಮಾವಳಿ) ಅನ್ನು ನಿಗದಿಪಡಿಸಿದ್ದು, ಸಮೂಹ ಗಾಯನದ ವೇಳೆ ಅಧಿಕೃತ ಆವೃತ್ತಿಯನ್ನೇ ಪೂರ್ಣವಾಗಿ ಹಾಡಬೇಕಿದೆ. ರಾಜ್ಯ ಸರ್ಕಾರಗಳು ತಮ್ಮಿಷ್ಟದಂತೆ ಯಾವುದೇ ಕಡಿತಗೊಳಿಸಿದ (truncated) ಅಥವಾ ಬೇರೆ ಆವೃತ್ತಿಯನ್ನು ಅಳವಡಿಸಿಕೊಳ್ಳಲು ಅವಕಾಶವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.  

​ಸಂವಿಧಾನಾತ್ಮಕ ನಿಯಮಗಳು (Articles 162, 256, 257(1)):
​ಸಂವಿಧಾನದ ವಿಧಿ 162 ರ ಪ್ರಕಾರ, ರಾಜ್ಯದ ಶಾಸಕಾಂಗವು ಶಾಸನ ಮಾಡಲು ಅಧಿಕಾರ ಹೊಂದಿಲ್ಲದ ವಿಷಯಗಳಲ್ಲಿ ರಾಜ್ಯ ಕಾರ್ಯಾಂಗವು ತನ್ನದೇ ಆದ ಪ್ರತ್ಯೇಕ ಪ್ರೋಟೋಕಾಲ್ ಜಾರಿಗೆ ತರಲು ಸಾಧ್ಯವಿಲ್ಲ.  

Also read

ಹಿರಿಯೂರು ತಾಲೂಕಿನ ಮೇಟಿಕುರ್ಕೆಯಲ್ಲಿ ಇಂದು ‘ಸಮಾನತೆಗಾಗಿ ಸಹಭೋಜನ’ ಕಾರ್ಯಕ್ರಮ

​ವಿಧಿ 256 ಮತ್ತು ವಿಧಿ 257(1) ರ ಪ್ರಕಾರ, ಸಂಸತ್ತು ಮಾಡಿದ ಕಾಯ್ದೆಗಳಿಗೆ ಹಾಗೂ ಕೇಂದ್ರದ ಕಾರ್ಯಾಂಗೀಯ ಅಧಿಕಾರ ಚಲಾವಣೆಗೆ ಅಡ್ಡಿಯಾಗದಂತೆ ರಾಜ್ಯ ಸರ್ಕಾರಗಳು ನಡೆದುಕೊಳ್ಳಬೇಕಾಗುತ್ತದೆ.  

​ರಾಷ್ಟ್ರೀಯ ಗೌರವಕ್ಕೆ ಅಪಮಾನ ತಡೆ ಕಾಯ್ದೆ: ಸಂಸತ್ತು 'ರಾಷ್ಟ್ರೀಯ ಗೌರವಕ್ಕೆ ಅಪಮಾನ ತಡೆ (ತಿದ್ದುಪಡಿ) ಕಾಯ್ದೆ, 2026' ಮೂಲಕ ರಾಷ್ಟ್ರೀಯ ಗೀತೆಗೆ (ವಂದೇ ಮಾತರಂ) ಕಾನೂನಾತ್ಮಕ ಚೌಕಟ್ಟು ಮತ್ತು ಗೌರವವನ್ನು ವಿಸ್ತರಿಸಿದೆ.  

​ಈ ಹಿನ್ನೆಲೆಯಲ್ಲಿ, ಕೇಂದ್ರ ಸರ್ಕಾರದ ನಿಯಮಾವಳಿ ಮತ್ತು ಸಂವಿಧಾನಾತ್ಮಕ ಚೌಕಟ್ಟನ್ನು ಗಮನದಲ್ಲಿಟ್ಟುಕೊಂಡು ರಾಜ್ಯ ಸರ್ಕಾರ ತನ್ನ ಆದೇಶವನ್ನು ತಕ್ಷಣವೇ ಮರುಪರಿಶೀಲಿಸಬೇಕು ಎಂದು ರಾಜ್ಯಪಾಲರು ಪತ್ರದ ಮೂಲಕ ಕೋರಿದ್ದಾರೆ.