ಚಂದ್ರವಳ್ಳಿ ನ್ಯೂಸ್, ಶಿವಮೊಗ್ಗ :
ಯಾವುದೇ ಆಪ್, ಲಿಂಕ್ ಮುಟ್ಟದಿದ್ದರೂ ಖಾತೆಯಿಂದ ತನ್ನಿಂತಾನಾಗಿಯೇ ಕಡಿತವಾದ ಬಗ್ಗೆ ವಿನೋಬನಗರ ಪೊಲೀಸರಿಗೆ ಬಿ ಎಸ್ ಎನ್ ಎಲ್ ನಿವೃತ್ತ ನೌಕರರೊಬ್ಬರು ದೂರು ನೀಡಿದ್ದಾರೆ.
ಹರಿ ಪಟ್ನಾಯಕ್ ಎನ್ನುವವರು ೨,೪೧,೦೦೦ ರೂ. ಹಣ ಕಳೆದುಕೊಂಡವರು. ಎರಡು ಬ್ಯಾಂಕಿನ ಖಾತೆಯನ್ನು ಹೊಂದಿರುವ ಪಟ್ನಾಯಕ್ ಆ.೧೬ ರಂದು ಮನೆಯಲ್ಲಿದ್ದಾಗ ವಿನೋಬನಗರದ ಬ್ಯಾಂಕ್ ಖಾತೆಯಿಂದ ಸಂಜೆ ೫ ರಿಂದ ೭ ಗಂಟೆಯವರೆಗೆ ಎರಡು ಲಕ್ಷದ ಎರಡು ಸಾವಿರ ರೂ. ಹಣ ಕಡಿತವಾಗಿದೆ. ನಂತರ ಇನ್ನೊಂದು ಬ್ಯಾಂಕ್ನಿಂದ ೩೯ ಸಾವಿರ ರೂ ಹಣ ಕಳೆದುಕೊಂಡಿದ್ದಾರೆ.
ಏನೂ ಮಾಡದೆ ಸುಮ್ಮನೆ ಹಣ ಕಳೆದುಕೊಂಡಿರುವುದು ಅಚ್ಚರಿ ಮೂಡಿಸಿದೆ. ಈ ಬಗ್ಗೆ ವಿನೋಬ ನಗರ ಪೊಲೀಸ್ ಠಾಣೆಯಲ್ಲಿ ಅವರು ದೂರು ದಾಖಲಿಸಿದ್ದಾರೆ.
