ಚಂದ್ರವಳ್ಳಿ ನ್ಯೂಸ್, ವಿಜಯಪುರ:
ರಾಜ್ಯ ಬಿಜೆಪಿಯಲ್ಲಿ ಬಣ ರಾಜಕಾರಣ ಜೋರಾಗಿದ್ದು, ಈ ವಿಚಾರವಾಗಿ ಬಿಜೆಪಿ ಹಿರಿಯ ನಾಯಕ ಡಿವಿ ಸದಾನಂದಗೌಡ ಹಾಗೂ ಬಿಜೆಪಿ ಮಾಜಿ ಶಾಸಕ ಎಂಪಿ ರೇಣುಕಾಚಾರ್ಯ ಅವರು ಯತ್ನಾಳ್ ಟೀಂ ವಿರುದ್ಧ ಖಾರವಾಗಿ ಮಾತನಾಡಿದ್ದು ಅದಕ್ಕೆ ಪ್ರತಿಯಾಗಿ ಯತ್ನಾಳ್ ಅವರು, ಲಪುಟ್ ನನ್ಮಕ್ಕಳ ಬಗ್ಗೆ ಏನೂ ಕೇಳಬೇಡಿ, ಮಾನ ಮರ್ಯಾದ ಇದ್ದವರ ಬಗ್ಗೆ ಮಾತ್ರ ನನಗೆ ಕೇಳಿ ಎಂದು ಬಸನಗೌಡ ಪಾಟೀಲ್ ಯತ್ನಾಶ್ ಕಿಡಿಕಾರಿದ್ದಾರೆ.
ವಿಜಯಪುರದಲ್ಲಿ ಮಾತನಾಡಿದ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್, ಲಪುಟ ನನ್ನ ಮಕ್ಕಳ ಬಗ್ಗೆ ನನಗೆ ಪ್ರತಿಕ್ರಿಯೆ ಕೇಳಬೇಡಿ. ರಾಜಕಾರಣದಲ್ಲಿ ಏನಾದರೂ ಮಾನ ಮರ್ಯಾದ ಇದ್ದವರ ಬಗ್ಗೆ ಮಾತ್ರ ನನಗೆ ಕೇಳಿ ಎಂದ ರೇಣುಕಾಚಾರ್ಯ ವಿರುದ್ಧ ವಾಗ್ಧಾಳಿ ನಡೆಸಿದ್ದಾರೆ.
ವಕ್ಫ್ ಹೋರಾಟ ಕೈ ಬಿಡಲ್ಲ-
ಮಂಡ್ಯದಲ್ಲಿ ಯತ್ನಾಳ್ ವಿರುದ್ದ ರಕ್ತ ಚಳುವಳಿ ವಿಚಾರಕ್ಕೆ ಪ್ರತಿಕ್ರಿಯಿಸಿ, ನನ್ನ ವಿರುದ್ಧ ರಕ್ತ ಚಳುವಳಿ ಏನು ಮಾಡ್ತಾರೆ. ಆ ರಕ್ತ ಯಾವುದು ಅನ್ನೋದು ಮೊದಲು ಚೆಕ್ ಮಾಡಬೇಕು. ಮೊದಲು ಮಂಡ್ಯದಲ್ಲಿ ನಮ್ಮ ಪಕ್ಷದ ಶಾಸಕರನ್ನಾಗಿ ಮಾಡಿ, ಮಂಡ್ಯದಲ್ಲಿ ಎಷ್ಟು ಜನ ಬಿಜೆಪಿ ಶಾಸಕರಿದ್ದಾರೆ ಹೇಳಿ? ವಿಜಯೆಂದ್ರ ತಂದೆಯ ಊರು ಮಂಡ್ಯ ಜಿಲ್ಲೆ. ಅಲ್ಲಿ ಗ್ರಾಮ ಪಂಚಾಯತಿ ಸದಸ್ಯ ಕೂಡಾ ಇಲ್ಲ. ಶಿವಮೊಗ್ಗದಲ್ಲಿ, ಶಿಕಾರಿಪುರದಲ್ಲಿ ಮಾಡಿದ್ರೆ ಒಂದು ಅರ್ಥ ಇರ್ತಿತ್ತು. ಇಂತಹದಕೆಲ್ಲ ನಾನು ಹೆದರಲ್ಲ, ವಕ್ಫ್ ಹೋರಾಟ ಕೈ ಬಿಡಲ್ಲ ಎಂದು ವಿಜಯೇಂದ್ರ ಬಣಕ್ಕೆ ಯತ್ನಾಳ್ ಖಡಕ್ ಸಂದೇಶ ರವಾನಿಸಿದ್ದಾರೆ.
ಸಚಿವ ಸಂಪುಟದಲ್ಲಿ ಯಡಿಯೂರಪ್ಪ ವಿರುದ್ಧ ತನಿಖೆ ಶಿಫಾರಸು ವಿಚಾರಕ್ಕೆ ಪ್ರತಿಕ್ರಿಯಿಸಿ, ಈಗ ಒಂದುವರೆ ವರ್ಷದ ನಂತರ ದ್ವೇಷದ ರಾಜಕಾರಣ ಮಾಡುತ್ತಿದ್ದಾರೆ. ಒಂದುವರೆ ವರ್ಷ ಏನು ಮಾಡಿದರು? ಈಗ ಯಾಕೆ ದ್ವೇಷದ ರಾಜಕಾರಣ ಮಾಡುತ್ತಿದ್ದಾರೆ? ಮುಡಾ ಹಗರಣ ಗಂಭೀರತೆ ತೆಗೆದುಕೊಂಡಿದೆ ಇಡಿ ಅವರು ಅದರ ಮೇಲೆ ತನಿಖೆ ಮಾಡುತ್ತಿದ್ದಾರೆ. ವಾಲ್ಮೀಕಿ ಹಗರಣ ಬಗ್ಗೆ ತನಿಖೆ ಆಗಬೇಕೆಂದು ಅರ್ಜಿ ಸಲ್ಲಿಸಿದ್ದೇವೆ. ಇಷ್ಟು ದಿನ ಎಲ್ಲರೂ ಅಡ್ಜಸ್ಟ್ಮೆಂಟ್‌ನಲ್ಲಿ ಇದ್ದರು ಎಂದು ಯತ್ನಾಳ್ ಆರೋಪಿಸಿದರು.
