ಜನವರಿ 5 ಮತ್ತು 6 ರಂದು ‘ಭಾರತೀಯ ಭಾಷಾ ಪರಿವಾರ’ ರಾಷ್ಟ್ರೀಯ ಸಮ್ಮೇಳನ

ಚಂದ್ರವಳ್ಳಿ ನ್ಯೂಸ್, ಹಿರಿಯೂರು:
ಕೇಂದ್ರ ಶಿಕ್ಷಣ ಸಚಿವಾಲಯದ ಭಾರತೀಯ ಭಾಷಾ ಸಮಿತಿ ಹಾಗೂ ಭಾರತೀಯ ಶಿಕ್ಷಣ ಮಂಡಲ. ಕರ್ನಾಟಕ ಇವುಗಳ ಸಹಯೋಗದೊಂದಿಗೆ, ಯಾಜ್ಞವಲ್ಕ್ಯ ಸಮೂಹ ಸಂಸ್ಥೆಗಳ ಆಶ್ರಯದಲ್ಲಿ 2026ರ ಜನವರಿ 5 ಮತ್ತು 6 ರಂದು “ಭಾರತೀಯ ಭಾಷಾ ಪರಿವಾರ” ವಿಷಯದ ಕುರಿತು ಎರಡು ದಿನಗಳ ರಾಷ್ಟ್ರೀಯ ಸಮ್ಮೇಳನವನ್ನು ಯಾಜ್ಞವಲ್ಕ್ಯ ವಿಜ್ಞಾನ ಪದವಿ ಪೂರ್ವ ಕಾಲೇಜು, ಭೀಮನಬಂಡೆಯಲ್ಲಿ ಆಯೋಜಿಸಲಾಗಿದೆ.

ದೇಶದ ವಿವಿಧ ಭಾಷೆಗಳ ನಡುವಿನ ಸಂಬಂಧ ಮತ್ತು ಭಾರತೀಯ ಭಾಷಾ ಪರಂಪರೆಯನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಈ ಸಮ್ಮೇಳನ ಆಯೋಜಿಸಲಾಗಿದೆ. ಎಂದು ಯಾಜ್ಞವಲ್ಕ್ಯ ಸಮೂಹ ಸಂಸ್ಥೆಗಳ ಸಂಸ್ಥಾಪಕ ಸುರೇಶ್.ಟಿ ತಿಳಿಸಿರುತ್ತಾರೆ.