ಚಂದ್ರವಳ್ಳಿ ನ್ಯೂಸ್, ಬೆಂಗಳೂರು:
ಬಾಕಿ ಹಣ ಪಾವತಿಸಿ, ಗುತ್ತಿಗೆದಾರರ ಪ್ರಾಣ ಉಳಿಸಿ ಎಂದು ಜೆಡಿಎಸ್ ಆಗ್ರಹ ಮಾಡಿದೆ.
60 ಪರ್ಸೆಂಟ್‌ಕರ್ನಾಟಕ ಕಾಂಗ್ರೆಸ್ ಸರ್ಕಾರದಲ್ಲಿ ಪ್ರತಿಯೊಂದಕ್ಕೆ ಇಂತಿಷ್ಟು ಕಮಿಷನ್‌ಕೊಡಲೇಬೇಕು. ಪರ್ಸಂಟೇಜ್‌ವ್ಯವಹಾರ ಇಲ್ಲದೇ ಯಾವುದೇ ಬಾಕಿ ಹಣ ಬಿಡುಗಡೆಯಾಗುವುದಿಲ್ಲ. ಇದೇ ಕಾರಣಕ್ಕೆ “60 ಪರ್ಸೆಂಟ್‌ಕಾಂಗ್ರೆಸ್‌” ಸರ್ಕಾರ ಗುತ್ತಿಗೆದಾರರಿಗೆ 30,000 ಕೋಟಿ ಬಾಕಿ ಹಣವನ್ನು ಪಾವತಿಸದೆ ಸತಾಯಿಸುತ್ತಿದೆ ಎಂದು ಜೆಡಿಎಸ್ ಆರೋಪಿಸಿದೆ.
ಸಾಲ-ಸೋಲ ಮಾಡಿ ಟೆಂಡರ್‌ಪಡೆದು ಕಾಮಗಾರಿ ಮಾಡಿರುವ ಕಾಂಟ್ರ್ಯಾಕ್ಟರ್‌ಗಳು ಬಾಕಿ ಹಣಕ್ಕಾಗಿ ಚಾತಕ ಪಕ್ಷಿಗಳಂತೆ ಕಾಯುತಿದ್ದು, 6 ಸಚಿವರಿಗೆ ಪತ್ರ ಬರೆದು ಅಳಲು ತೋಡಿಕೊಂಡಿದ್ದಾರೆ.
ಹಣ ಪಾವತಿಸದೆ ಗುತ್ತಿಗೆದಾರರ ಬಲಿ ಪಡೆಯುತ್ತಿರುವ ಸರ್ಕಾರ ತಕ್ಷಣ ಬಾಕಿ ಹಣ ಪಾವತಿಸಬೇಕಿದೆ ಎಂದು ಜೆಡಿಎಸ್ ಆಗ್ರಹ ಮಾಡಿದೆ.
