ಚಂದ್ರವಳ್ಳಿ ನ್ಯೂಸ್, ತುಮಕೂರು:
ಗುಬ್ಬಿ ತಾಲ್ಲೂಕು ನಿಟ್ಟೂರು ಹೋಬಳಿ ಕಾರೇಹಳ್ಳಿ ನಟರಾಜು ಅವರ ಜಮೀನಿನ ಪಕ್ಕ ಹರಿಯುವ ಹೇಮಾವತಿ ಚಾನಲ್‌ನಲ್ಲಿ ಸುಮಾರು ೬೦ ವರ್ಷದ ಅಪರಿಚಿತ ಮಹಿಳೆಯ ಶವವೊಂದು ಪತ್ತೆಯಾಗಿದ್ದು, ವಾರಸುದಾರರು ಯಾರೆಂದು ತಿಳಿದು ಬಂದಿರುವುದಿಲ್ಲ.
ಮೃತಳು ೧೫೦ ಸೆಂ.ಮೀ. ಎತ್ತರವಿದ್ದು, ಸುಮಾರು ದಿನಗಳ ಹಿಂದೆ ಮೃತಪಟ್ಟಿರುವ ಕಾರಣ ದೇಹವು ಕೇವಲ ಮೂಳೆಗಳಿಂದ ಕೂಡಿರುತ್ತದೆ. ಮೃತಳ ಮೈ ಮೇಲೆ ಕೆಂಪು ಬಣ್ಣದ ರವಿಕೆ ಹಾಗೂ ಹಸಿರು ಬಣ್ಣ ಸೀರೆ ಇರುತ್ತದೆ.
ಮೃತಳ ವಾರಸುದಾರರು ಯಾರಾದರೂ ಇದ್ದಲ್ಲಿ ದೂ.ವಾ.ಸಂ. ೦೮೧೩೧-೨೨೨೨೨೯, ಮೊ.ಸಂ. ೯೪೮೦೮೦೨೯೫೯-೩೫-೨೧ನ್ನು ಸಂಪರ್ಕಿಸಬಹುದಾಗಿದೆ ಎಂದು ಗುಬ್ಬಿ ಪೊಲೀಸ್ ಸಬ್ ಇನ್ಸ್‌ಪೆಕ್ಟರ್ ಮನವಿ ಮಾಡಿದ್ದಾರೆ.
