ಚಂದ್ರವಳ್ಳಿ ನ್ಯೂಸ್, ಬೆಂಗಳೂರು:
ಕಾನ್ಸ್ಟೇಬಲ್ಗಳು ಮತ್ತು ಹೆಚ್ಸಿಗಳು ಧರಿಸುತ್ತಿದ್ದ ಬ್ರಿಟಿಷ್ ಕಾಲದ ಸ್ಲೋಚ್ ಹ್ಯಾಟ್(ಟೋಪಿ)ಗೆ ಕೊಕ್ ನೀಡಲಿರುವ ಸರ್ಕಾರ ಪೀಕ್ ಕ್ಯಾಪ್ ವಿತರಿಸಲು ಮುಂದಾಗಿದೆ.
ರಾಜ್ಯ ಸರ್ಕಾರ ಕೊಡಲು ನಿರ್ಧರಿಸಿರುವ ಹೊಸ ಟೋಪಿಗಳು ಅಕ್ಟೋಬರ್- 28ರಿಂದಲೇ ಪೊಲೀಸರ ಕೈಸೇರಲಿವೆ.
ಸಿಎಂ ಸಿದ್ದರಾಮಯ್ಯ ಹಾಗೂ ಗೃಹ ಸಚಿವ ಜಿ. ಪರಮೇಶ್ವರ ಅವರು ವಿಧಾನಸೌಧದ ಬ್ಯಾಂಕ್ವೆಟ್ ಹಾಲ್ನಲ್ಲಿ ಅ.28ರಂದು ನಡೆಯಲಿರುವ ಕಾರ್ಯಕ್ರಮದಲ್ಲಿ ಹೊಸ ಕ್ಯಾಪ್ಗಳ ವಿತರಣೆ ಮಾಡಲಿದ್ದಾರೆ.
ಬಳಿಕ ಬೇರೆ ಜಿಲ್ಲೆಗಳ ಕಾನ್ಸ್ಟೇಬಲ್ಗಳಿಗೂ ಹಂತ ಹಂತವಾಗಿ ಕ್ಯಾಪ್ ವಿತರಣೆ ಮಾಡಲಾಗುವುದು. ಜೂನ್ನಲ್ಲಿ ನಡೆದಿದ್ದ ಪೊಲೀಸ್ ಅಧಿಕಾರಿಗಳ ಸಭೆಯಲ್ಲಿ ಕ್ಯಾಪ್ ಬದಲಿಸುವ ಬಗ್ಗೆ ತೀರ್ಮಾನವಾಗಿತ್ತು.
ತೆಲಂಗಾಣ ಪೊಲೀಸರು ಧರಿಸುವ ಪೀಕ್ ಕ್ಯಾಪ್ ಬಗ್ಗೆ ತೀರ್ಮಾನವಾಗಿತ್ತು. ಸದ್ಯ ಹೊಸ ಟೋಪಿಗಳು ತಯಾರಾಗಿದ್ದು, ಮೊದಲ ಹಂತದಲ್ಲಿ ಪೊಲೀಸರಿಗೆ ಪೀಕ್ ಕ್ಯಾಪ್ ವಿತರಣೆ ಆಗಲಿದೆ.
