ಚಂದ್ರವಳ್ಳಿ ನ್ಯೂಸ್, ಬೆಂಗಳೂರು
ಕರ್ನಾಟಕದಲ್ಲಿ ಬ್ಯಾಂಕಿಂಗ್, ಹಣಕಾಸು ಸೇವೆಗಳು ಮತ್ತು ಇನ್ಶೂರೆನ್ಸ್, ಫಿನ್‌ಟೆಕ್, ನವೋದ್ಯಮಗಳು, ಹೂಡಿಕೆದಾರರು ಹಾಗೂ ತಂತ್ರಜ್ಞಾನ ಸಂಸ್ಥೆಗಳ ನಾಯಕರೊಂದಿಗೆ ಪ್ರಮುಖ ಉದ್ಯಮ ಸಂವಾದವನ್ನು ಆಯೋಜಿಸಲಾಗಿತ್ತು. ಈ ವಲಯಗಳಲ್ಲಿ ಸರ್ಕಾರ ಮತ್ತು ಉದ್ಯಮ ರಂಗದ ನಡುವಿನ ಸಹಯೋಗವನ್ನು ಮತ್ತಷ್ಟು ಬಲಪಡಿಸುವ ಕುರಿತು ಸಭೆಯಲ್ಲಿ ಸಮಗ್ರವಾಗಿ ಚರ್ಚಿಸಲಾಯಿತು.
ಕರ್ನಾಟಕದಲ್ಲಿ BFSI ಹಾಗೂ ಫಿನ್‌ಟೆಕ್ ಅನುಕೂಲಕರ ವಾತಾವರಣವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲು ಸರ್ಕಾರ ಕೈಗೊಂಡಿರುವ ಮತ್ತು ಕೈಗೊಳ್ಳಬೇಕಿರುವ ಪ್ರಮುಖ ವಿಷಯಗಳನ್ನು ಸಭೆಯಲ್ಲಿ ಹಂಚಿಕೊಳ್ಳಲಾಯಿತು:
'ಗವರ್ನ್‌ಮೆಂಟ್ ಫಸ್ಟ್' ಯೋಜನೆ: ಸರ್ಕಾರಿ ಖರೀದಿ ಪ್ರಕ್ರಿಯೆಯಲ್ಲಿ ನವೋದ್ಯಮಗಳಿಗೆ ಹೆಚ್ಚಿನ ಆದ್ಯತೆ ನೀಡುವುದು.
ಡೇಟಾ ಮತ್ತು ಸ್ಯಾಂಡ್‌ಬಾಕ್ಸ್ ಲಭ್ಯತೆ: ಸರ್ಕಾರದ ಡೇಟಾಸೆಟ್‌ಗಳು ಮತ್ತು ನಿಯಂತ್ರಕ ಸ್ಯಾಂಡ್‌ಬಾಕ್ಸ್ ಸೌಲಭ್ಯಗಳಿಗೆ ಸುಲಭ ಪ್ರವೇಶ.
ಕೌಶಲ್ಯಾಭಿವೃದ್ಧಿ ಹಾಗೂ ಸೈಬರ್ ಭದ್ರತೆ: ಉದ್ಯಮದ ಅಗತ್ಯಕ್ಕೆ ತಕ್ಕಂತೆ ಕೌಶಲ್ಯ ತರಬೇತಿ ಮತ್ತು ಸೈಬರ್ ಸೆಕ್ಯೂರಿಟಿ ಬಲಪಡಿಸುವುದು.
ಜವಾಬ್ದಾರಿಯುತ ಎಐ ಹಾಗೂ ಕೈಗೆಟುಕುವ ಕಂಪ್ಯೂಟ್: ಕೃತಕ ಬುದ್ಧಿಮತ್ತೆಯ ಜವಾಬ್ದಾರಿಯುತ ಬಳಕೆ ಮತ್ತು ಕೈಗೆಟುಕುವ ದರದಲ್ಲಿ ಕಂಪ್ಯೂಟ್ ಆಧಾರಿತ ಮೂಲಸೌಕರ್ಯ ಒದಗಿಸುವುದು.
ಹಣಕಾಸು ಸೇರ್ಪಡೆ ಹಾಗೂ ಶ್ರೇಷ್ಠತಾ ಕೇಂದ್ರಗಳು: ಪ್ರತಿಯೊಬ್ಬರಿಗೂ ಹಣಕಾಸು ಸೇವೆ ತಲುಪಿಸುವುದು ಮತ್ತು ಉತ್ಕೃಷ್ಟತಾ ಕೇಂದ್ರಗಳನ್ನು ಮತ್ತಷ್ಟು ಶಕ್ತಿಗೊಳಿಸುವುದು.
ಬೆಂಗಾಳೂರು ಟೆಕ್ ಸಮಿಟ್ 2026ರಲ್ಲಿ 'ಫಿನ್‌ವರ್ಸ್' ಆಕರ್ಷಣೆ:
ಆಗಸ್ಟ್‌ನಲ್ಲಿ ನಡೆಯಲಿರುವ 'ಬೆಂಗಳೂರು ಟೆಕ್ ಸಮಿಟ್ 2026'ರಲ್ಲಿ ಹೊಸದಾಗಿ 'ಫಿನ್‌ವರ್ಸ್' ಟ್ರ್ಯಾಕ್ ಅನ್ನು ಪರಿಚಯಿಸಲಾಗುತ್ತಿದ್ದು, ಫಿನ್‌ಟೆಕ್, ಎಐ ಮತ್ತು ಡಿಜಿಟಲ್ ಫೈನಾನ್ಸ್ ಕುರಿತು ಈ ಚರ್ಚೆಯನ್ನು ಮತ್ತಷ್ಟು ವಿಸ್ತೃತವಾಗಿ ಮುಂದುವರಿಸಲಾಗುವುದು. ಕರ್ನಾಟಕದ ಫಿನ್‌ಟೆಕ್ ಹಾಗೂ BFSI ವಲಯವನ್ನು ಮುಂದಿನ ಪ್ರಗತಿಯತ್ತ ಕೊಂಡೊಯ್ಯಲು ರಾಜ್ಯ ಸರ್ಕಾರ ಬದ್ಧವಾಗಿದೆ.
