ಅಹಂಕಾರ, ಅನಗತ್ಯ ಬಯಕೆಗಳನ್ನು ತೊರೆದಾಗ ಮಾತ್ರ ಜೀವನ ಸಾರ್ಥಕ:

ಚಂದ್ರವಳ್ಳಿ ನ್ಯೂಸ್, ಚಿತ್ರದುರ್ಗ:
ತಾಲೂಕಿನ ದೊಡ್ಡಸಿದ್ದವ್ವನಹಳ್ಳಿ ಸಮೀಪದ ಕಸವನಹಳ್ಳಿಯ ಪಾಪಣ್ಣಜ್ಜ-ಹನುಮಂತಜ್ಜ ಬಯಲು ಮಠದಲ್ಲಿ ಸೋಮವಾರ ಗ್ರಾಮದ ಮಾದಾರ ಜನಾಂಗದ ವತಿಯಿಂದ ಹಮ್ಮಿಕೊಳ್ಳಲಾಗಿದ್ದ ಎರಡನೇ ದಿನದ ನವರಾತ್ರಿ ಕಾರ್ಯಕ್ರಮ ಅತ್ಯಂತ ವಿಜೃಂಭಣೆ ಹಾಗೂ ಯಶಸ್ವಿಯಾಗಿ ನೆರವೇರಿತು.

Also read

​ ಚಿತ್ರದುರ್ಗದಲ್ಲಿ ವಿಜೃಂಭಣೆಯ ನಾಡ ದೊರೆ ರಾಜವೀರ ಮದಕರಿ ನಾಯಕ ಜಯಂತಿ

ಮಹಿಷಾಸುರ ಹಾಗೂ ಮಧು-ಕೈಟಭರ ಸಂಹಾರ ಪ್ರಸಂಗ ವಿಶ್ಲೇಷಣೆ: ಕಾರ್ಯಕ್ರಮದಲ್ಲಿ 'ಶ್ರೀದೇವಿ ಚರಿತೆ'ಯ ಮೂರನೇ ಅಧ್ಯಾಯದ ಮಧು-ಕೈಟಭರೆಂಬ ರಕ್ಕಸರ ಸಂಹಾರ ಹಾಗೂ ನಾಲ್ಕನೇ ಅಧ್ಯಾಯದ ಮಹಿಷಾಸುರ ಸೈನ್ಯವನ್ನು ಶಕ್ತಿದೇವತೆಯಾದ ಶ್ರೀದೇವಿಯು ರಣಾಂಗಣದಲ್ಲಿ ಸಂಹರಿಸಿದ ಪ್ರಸಂಗಗಳ ಕುರಿತು ಗಹನವಾಗಿ ವಿಶ್ಲೇಷಿಸಲಾಯಿತು.

ಅಹಂಕಾರ ಮತ್ತು ಬಯಕೆಯ ನಿಗ್ರಹಕ್ಕೆ ಕರೆ: ಶ್ರೀಮಠದ ಪರಿಚಾರಕರಾದ ಕಸವನಹಳ್ಳಿ ಶಿವಣ್ಣ ಅವರು ಅಧ್ಯಾಯಗಳ ಅರ್ಥವನ್ನು ವಿವರಣೆ ಮಾಡುತ್ತಾ, "ಬ್ರಹ್ಮನಿಗೆ ಉಂಟಾದ ಕರ್ತೃತ್ವಾಭಿಮಾನವೆಂಬ ಅಹಂಕಾರ ಮತ್ತು ಫಲಾಪೇಕ್ಷೆಯೆಂಬ ಅನಗತ್ಯ ಬಯಕೆಯೇ ಮಧು-ಕೈಟಭರ ಪ್ರತೀಕವಾಗಿದೆ. ನಮ್ಮಲ್ಲಿರುವ ಇಂತಹ ದುಷ್ಟ ಮನಸ್ಥಿತಿಯನ್ನು ನಮ್ಮೊಳಗಿನ ಶಕ್ತಿ ದೇವತೆಯಾದ ಶ್ರೀದೇವಿಯ ಮಹಾಶಕ್ತಿಯ ನೆರವಿನಿಂದ ಸಂಹಾರ ಮಾಡಬೇಕು" ಎಂದು ಮಾರ್ಮಿಕವಾಗಿ ಹೇಳಿದರು.

ಶ್ರೀದೇವಿ ಚರಿತೆ ಪಾರಾಯಣ: ಕಾರ್ಯಕ್ರಮದ ಭಾಗವಾಗಿ ಗೊಲ್ಲನಕಟ್ಟೆಯ ಕಾಟಪ್ಪ ಹಾಗೂ ಶೈಲೇಶ್ ಅವರು ಅತ್ಯಂತ ಭಕ್ತಿಯಿಂದ ಶ್ರೀದೇವಿ ಚರಿತೆಯ ಪಾರಾಯಣ ನೆರವೇರಿಸಿಕೊಟ್ಟರು.

Also read

ಚುನಾವಣೆ ನೀತಿ ಸಂಹಿತೆ ಯಿಂದಾಗಿ ಸರಳವಾಗಿ ಮಹರ್ಷಿ ವಾಲ್ಮೀಕಿ ಜಯಂತಿ ಆಚರಣೆ

ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಗ್ರಾಮದ ಪ್ರಮುಖರಾದ ಸಿ. ಸಿದ್ದಪ್ಪ, ಕಡ್ಲೆ ಕರಿಯಣ್ಣ, ಚನ್ನಪ್ಪ, ಚಂದ್ರಪ್ಪ, ರಂಗಪ್ಪ, ಕಮಲಮ್ಮ, ಚನ್ನಮ್ಮ, ಲಕ್ಷ್ಮಕ್ಕ, ಪ್ರೇಮಕ್ಕ, ಜಯರಾಮಪ್ಪ, ರಮೇಶ್, ಕೃಷ್ಣಪ್ಪ, ಜಯಮ್ಮ, ಸೋಮಲಿಂಗಪ್ಪ, ಗಂಗಮ್ಮ, ಆಟೋ ತಿಪ್ಪಣ್ಣ, ಕೇಶವಪ್ಪ, ಅಂಗಡಿ ಪುಟ್ಟಮ್ಮ, ಸಾವಿತ್ರಮ್ಮ, ನೇತ್ರಮ್ಮ, ಮೀನಾಕ್ಷಮ್ಮ, ಶಿವಣ್ಣ, ತಿಪ್ಪೇಶ್, ಗೋವಿಂದ, ಭಾಗ್ಯಮ್ಮ, ನರಸಿಂಹಪ್ಪ ಸೇರಿದಂತೆ ಅನೇಕ ಭಕ್ತಾದಿಗಳು ಉಪಸ್ಥಿತರಿದ್ದರು.