ಶಾಸಕ ಕೆ.ಎಸ್. ನವೀನ್ ಪಿತೃವಿಯೋಗ: ಶ್ರೀ ಜಯಪದ್ಮ ಮೋಟಾರ್ಸ್ ಮಾಲೀಕ ಕೆ.ಆರ್. ಶಿವಪ್ರಕಾಶ್ ಇನ್ನಿಲ್ಲ

ಶಾಸಕ ಕೆ.ಎಸ್. ನವೀನ್ ಪಿತೃವಿಯೋಗ: ಶ್ರೀ ಜಯಪದ್ಮ ಮೋಟಾರ್ಸ್ ಮಾಲೀಕ ಕೆ.ಆರ್. ಶಿವಪ್ರಕಾಶ್ ಇನ್ನಿಲ್ಲ
​ಚಂದ್ರವಳ್ಳಿ ನ್ಯೂಸ್, ಚಿತ್ರದುರ್ಗ:      ಚಿತ್ರದುರ್ಗದ ಹಿರಿಯ ಉದ್ಯಮಿಗಳು ಹಾಗೂ ಚಿತ್ರದುರ್ಗ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಕೆ.ಎಸ್. ನವೀನ್ ಅವರ ಪೂಜ್ಯ ತಂದೆಯವರಾದ ಕೆ.ಆರ್. ಶಿವಪ್ರಕಾಶ್ (86) ಅವರು ಗುರುವಾರ (ಮೇ 07) ದೈವಾಧೀನರಾಗಿದ್ದಾರೆ.
​ಶ್ರೀ ಜಯಪದ್ಮ ಮೋಟಾರ್ ಸರ್ವಿಸ್‌ನ ಮಾಲೀಕರಾಗಿದ್ದ ಶಿವಪ್ರಕಾಶ್ ಅವರು ಜಿಲ್ಲೆಯ ಸಾರಿಗೆ ಕ್ಷೇತ್ರದಲ್ಲಿ ಹಾಗೂ ಸಾಮಾಜಿಕ ವಲಯದಲ್ಲಿ ಗುರುತಿಸಿಕೊಂಡಿದ್ದರು.

ಮೃತರು ಪುತ್ರ ಶಾಸಕ ಕೆ.ಎಸ್. ನವೀನ್ ಸೇರಿದಂತೆ ಅಪಾರ ಬಂಧು-ಬಳಗವನ್ನು ಅಗಲಿದ್ದಾರೆ.

ಅಂತಿಮ ದರ್ಶನ ಮತ್ತು ಅಂತ್ಯಕ್ರಿಯೆಯ ವಿವರ:
​ಮೃತರ ಅಂತಿಮ ದರ್ಶನಕ್ಕೆ ಬೆಂಗಳೂರು, ಚಿತ್ರದುರ್ಗ ಹಾಗೂ ಅವರ ಸ್ವಗ್ರಾಮದಲ್ಲಿ ವ್ಯವಸ್ಥೆ ಮಾಡಲಾಗಿದ್ದು, ವಿವರಗಳು ಕೆಳಗಿನಂತಿವೆ:
​ಬೆಂಗಳೂರು: ಇಂದು (ಮೇ 07) ಸಂಜೆ 5:30 ರಿಂದ ಶುಕ್ರವಾರ (ಮೇ 08) ಬೆಳಿಗ್ಗೆ 10:00 ಗಂಟೆಯವರೆಗೆ ಬೆಂಗಳೂರಿನ ವಸಂತನಗರದ ಕಾವೇರಿಯಪ್ಪ ಲೇಔಟ್ ನಿವಾಸದಲ್ಲಿ ಅಂತಿಮ ದರ್ಶನಕ್ಕೆ ಅವಕಾಶವಿರುತ್ತದೆ.

ಚಿತ್ರದುರ್ಗ: ಮೇ 08ರ ಶುಕ್ರವಾರ ಮಧ್ಯಾಹ್ನ 3:00 ಗಂಟೆಯಿಂದ ಶನಿವಾರ (ಮೇ 09) ಬೆಳಿಗ್ಗೆ 10:00 ಗಂಟೆಯವರೆಗೆ ಚಿತ್ರದುರ್ಗದ ವಿ.ಪಿ. ಬಡಾವಣೆಯ ಆರ್‌ಟಿಒ ಆಫೀಸ್ ರಸ್ತೆಯಲ್ಲಿರುವ ನಿವಾಸದಲ್ಲಿ ಸಾರ್ವಜನಿಕ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ.

ಅಂತ್ಯಕ್ರಿಯೆ: ಮೇ 09ರ ಶನಿವಾರ ಮಧ್ಯಾಹ್ನ 3:00 ಗಂಟೆಗೆ ಹೊಳಲ್ಕೆರೆ ತಾಲೂಕಿನ ಸ್ವಗ್ರಾಮವಾದ ಎನ್.ಜಿ. ಹಳ್ಳಿಯ ತೋಟದ ಆವರಣದಲ್ಲಿ ಅಂತಿಮ ವಿಧಿವಿಧಾನಗಳನ್ನು ನೆರವೇರಿಸಲಾಗುವುದು ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ಕೆ.ಆರ್. ಶಿವಪ್ರಕಾಶ್ ಅವರ ನಿಧನಕ್ಕೆ ಜಿಲ್ಲೆಯ ಗಣ್ಯರು, ರಾಜಕೀಯ ಮುಖಂಡರು ಹಾಗೂ ಹಿತೈಷಿಗಳು ತೀವ್ರ ಸಂತಾಪ ಸೂಚಿಸಿದ್ದಾರೆ.