ಚಂದ್ರವಳ್ಳಿ ನ್ಯೂಸ್, ಬೆಂಗಳೂರು:
“ಮೋದಿ ಸರ್ಕಾರ GST ಕಡಿತ ಮಾಡಿರುವುದರಿಂದ ಜನಸಾಮಾನ್ಯರ ದಿನನಿತ್ಯದ ಹೊರೆ ಇಳಿಸುತ್ತಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ ವಿಜಯೇಂದ್ರ ಹೇಳಿದರು”.
ಪ್ರಧಾನಿ ನರೇಂದ್ರ ಮೋದಿ ಅವರ ಸರ್ಕಾರ ದೇಶದ ಜನಸಾಮಾನ್ಯರ ಜೇಬಿನ ಭಾರ ಇಳಿಸುವ ನಿಟ್ಟಿನಲ್ಲಿ ಕೈಗೊಂಡ ಐತಿಹಾಸಿಕ ನಿರ್ಧಾರದಿಂದ
ಸೆ.22ರಿಂದ ನಂದಿನಿ ತುಪ್ಪದ ಬೆಲೆ ಲೀಟರ್ ಗೆ 40 ರೂ. ಇಳಿಕೆ, ಗುಡ್ ಲೈಫ್ ಹಾಲು ಲೀಟರ್ ಗೆ 2 ರೂ ಇಳಿಕೆ ಸೇರಿದಂತೆ ಬೆಣ್ಣೆ, ಚೀಸ್, ಲಸ್ಸಿ, ಜಾಮೂನು, ಐಸ್ಕ್ರೀಂ ಸೇರಿದಂತೆ ಹಲವು ಉತ್ಪನ್ನಗಳ ದರ ಇಳಿಕೆಯಾಗಿದ್ದು,
ಆ ಮೂಲಕ ರಾಜ್ಯದ ಜನರಿಗೆ ಮೋದಿ ಅವರ ಸರ್ಕಾರ ವಿಜಯ ದಶಮಿ ಹಾಗೂ ದೀಪಾವಳಿ ಹಬ್ಬದ ಉಡುಗೊರೆ ನೀಡಿದಂತಾಗಿದೆ ಎಂದು ವಿಜಯೇಂದ್ರ ತಿಳಿಸಿದರು.
