ಚಂದ್ರವಳ್ಳಿ ನ್ಯೂಸ್, ಬೆಂಗಳೂರು:
ಸಾರಿಗೆ ಸಂಸ್ಥೆಯ ಸಿಬ್ಬಂದಿಗಳಿಗೆ “ಕೈ” ಕೊಡಲು ಸದಾ ಸಿದ್ದ ದಿವಾಳಿ ಕರ್ನಾಟಕ ಕಾಂಗ್ರೆಸ್ ಸರ್ಕಾರ ಎಂದು ಬಿಜೆಪಿ ಟ್ವೀಟ್ ಮಾಡಿ ಆರೋಪಿಸಿದೆ.
ಕೆ.ಎಸ್.ಆರ್.ಟಿ.ಸಿ & ಬಿಎಂಟಿಸಿ ಸಿಬ್ಬಂದಿಗಳಿಗೆ ಭ್ರಷ್ಟ ಕಾಂಗ್ರೆಸ್ ಸರ್ಕಾರ 1750 ಕೋಟಿ ಅರಿಯರ್ಸ್ ಹಣ ಹಾಗೂ 399.29 ಕೋಟಿ ಗ್ರಾಚ್ಯುಟಿ ಹಣ ಬಾಕಿ ಉಳಿಸಿಕೊಂಡಿದೆ. ಸಾಲದ್ದಕ್ಕೆ 2024 ಜನವರಿಯಿಂದ ಹೆಚ್ಚಿಸಬೇಕಾಗಿದ್ದ ವೇತನವನ್ನು ಇದುವರೆಗೂ ಹೆಚ್ಚಿಸಿಲ್ಲ!! ಎಂದು ಬಿಜೆಪಿ ದೂರಿದೆ.
ಸಾರಿಗೆ ಸಂಸ್ಥೆ ಹಿಂದೆಂದೂ ಕಂಡು ಕೇಳರಿಯದ ರೀತಿಯಲ್ಲಿ ಲಾಭದಲ್ಲಿದೆ ಎಂದು ಸುಳ್ಳಾಡುವ ಮಹಾನ್ ಸುಳ್ಳುಗಾರ ಸಾರಿಗೆ ಸಚಿವ ಆರ್.ರಾಮಲಿಂಗರೆಡ್ಡಿ ಅವರೆ, ಸಿಬ್ಬಂದಿಗಳ ಅರಿಯರ್ಸ್ ಹಾಗೂ ಗ್ರಾಚ್ಯುಟಿ ಹಣ ನೀಡಲು ಸರ್ಕಾರದ ಬಳಿ ಹಣ ಇಲ್ಲವೇ..?? ಎಂದು ಬಿಜೆಪಿ ಪ್ರಶ್ನಿಸಿದೆ.
