ಚಂದ್ರವಳ್ಳಿ ನ್ಯೂಸ್, ಚಿತ್ರದುರ್ಗ:
ಚಿತ್ರದುರ್ಗ ತಾಲ್ಲೂಕಿನ ಕುಂಚಿಗನಾಳು ಗ್ರಾಮದ ಬಳಿ ಇರುವ ಅಲ್ಪಸಂಖ್ಯಾತರ ಮೊರಾರ್ಜಿ ದೇಸಾಯಿ ಬಾಲಕಿಯರ ವಸತಿ ಪದವಿ ಪೂರ್ವ ಕಾಲೇಜಿಗೆ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಯಲ್ಲಿ ಶೇ.98.57ರಷ್ಟು ಫಲಿತಾಂಶ ಲಭಿಸಿದೆ.
ಈ ಕಾಲೇಜಿನಲ್ಲಿ ವಿಜ್ಞಾನ ಮತ್ತು ವಾಣಿಜ್ಯ ವಿಭಾಗಗಳ ಸಂಯೋಜನೆಗಳಿದ್ದು, ದ್ವಿತೀಯ ಪಿಯುಸಿ ವಿಜ್ಞಾನ ವಿಭಾಗದಲ್ಲಿ 39 ವಿದ್ಯಾರ್ಥಿಗಳು, ವಾಣಿಜ್ಯ ವಿಭಾಗದಲ್ಲಿ 31 ವಿದ್ಯಾರ್ಥಿಗಳು ಕಾಲೇಜಿನಿಂದ ಪರೀಕ್ಷೆಗೆ ಹಾಜರಾಗಿದ್ದ ಒಟ್ಟು 70 ವಿದ್ಯಾರ್ಥಿಗಳಲ್ಲಿ 69 ವಿದ್ಯಾರ್ಥಿಗಳು ಉತ್ತೀರ್ಣಗೊಂಡು ಕಾಲೇಜಿಗೆ ಶೇ.98.57 ಫಲಿತಾಂಶ ತಂದಿದ್ದಾರೆ. ಎರಡೂ ವಿಭಾಗದ 12 ವಿದ್ಯಾರ್ಥಿಗಳು ಶೇ.90 ಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದುಕೊಂಡಿದ್ದಾರೆ.
ವಿಜ್ಞಾನ ವಿಭಾಗದಲ್ಲಿ ಪ್ರಥಮ ಸ್ಥಾನ ಬಿ.ಅಂಕಿತ (581 ಅಂಕಗಳೊಂದಿಗೆ ಶೇ.96.83), ದ್ವಿತೀಯ ಸ್ಥಾನ ಆರ್.ಪೂರ್ಣಿಮ (567 ಅಂಕಗಳೊಂದಿಗೆ ಶೇ.94.5), ತೃತೀಯ ಸ್ಥಾನ ಆರ್.ಚಂದನ(563 ಅಂಕಗಳೊಂದಿಗೆ ಶೇ.93.83), ವಾಣಿಜ್ಯ ವಿಭಾಗದಲ್ಲಿ ಪ್ರಥಮ ಸ್ಥಾನ ಬಿ.ಅರ್ಪಿತ (581 ಅಂಕಗಳೊಂದಿಗೆ ಶೇ.96.83), ದ್ವಿತೀಯ ಸ್ಥಾನ ಬಿ.ಎಮ್.ಮಾನಸಗಂಗೋತ್ರಿ (578 ಅಂಕಗಳೊಂದಿಗೆ ಶೇ.96.33), ತೃತೀಯ ಸ್ಥಾನ ವಿ.ಕೀರ್ತನ (568 ಅಂಕಗಳೊಂದಿಗೆ ಶೇ.94.67) ಅಂಕಗಳನ್ನು ಪಡೆದು ಕಾಲೇಜಿನ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ ಎಂದು ಪ್ರಾಂಶುಪಾಲ ಬಿ.ಲಿಂಗರಾಜು ತಿಳಿಸಿದ್ದಾರೆ.
