ಚಂದ್ರವಳ್ಳಿ ನ್ಯೂಸ್, ಚಿಕ್ಕಬಳ್ಳಾಪುರ
ಮುಂದಿನ ಪೀಳಿಗೆಯ ಡ್ರೋನ್ ಮತ್ತು ವೈಮಾನಿಕ ತಂತ್ರಜ್ಞಾನದ ಆವಿಷ್ಕಾರಗಳಿಗೆ ಉತ್ತೇಜನ ನೀಡಲು ಕರ್ನಾಟಕ ಸರ್ಕಾರವು ಚಿಕ್ಕಬಳ್ಳಾಪುರದಲ್ಲಿ ಅತ್ಯಾಧುನಿಕ ಡ್ರೋನ್ ಪರೀಕ್ಷಾ ಕೇಂದ್ರವನ್ನು ಸ್ಥಾಪಿಸುತ್ತಿದೆ.
ವೆಚ್ಚ ಮತ್ತು ಜಾಗ: ಚಿಂತಾಮಣಿ ತಾಲೂಕಿನ ಜೀಡರಹಳ್ಳಿ ಗ್ರಾಮದಲ್ಲಿ ಸುಮಾರು 19.26 ಎಕರೆ ಪ್ರದೇಶದಲ್ಲಿ 42.83 ಕೋಟಿ ಅಂದಾಜು ವೆಚ್ಚದಲ್ಲಿ ಈ ಪರೀಕ್ಷಾ ಕೇಂದ್ರ ನಿರ್ಮಾಣವಾಗಲಿದೆ.
ತಾಂತ್ರಿಕ ಸೌಲಭ್ಯಗಳು: ಈ ಹಬ್ನಲ್ಲಿ ಪ್ರತ್ಯೇಕ ರನ್ವೇಗಳು, ಪ್ರತ್ಯೇಕ ವಾಯುಪ್ರದೇಶ ಮತ್ತು ಸುಸಜ್ಜಿತ ಪರೀಕ್ಷಾ ಮೂಲಸೌಕರ್ಯಗಳು ಇರಲಿವೆ.
ಸುಧಾರಿತ ಪರೀಕ್ಷೆಗಳು: ಡ್ರೋನ್ಗಳ ದೀರ್ಘಾವಧಿ ಹಾರಾಟ, ಸುರಕ್ಷತೆ, ಪ್ರಮಾಣೀಕರಣ ಹಾಗೂ ಕಣ್ಣಳತೆಗೂ ಮೀರಿದ ಹಾರಾಟ ಪರೀಕ್ಷೆಗಳಿಗೆ ಇಲ್ಲಿ ಅವಕಾಶವಿರಲಿದೆ.
ಪಾಲುದಾರಿಕೆ: ಈ ಯೋಜನೆಯನ್ನು ‘ಡ್ರೋನ್ ಫೆಡರೇಶನ್ ಆಫ್ ಇಂಡಿಯಾ’ ಸಹಯೋಗದೊಂದಿಗೆ ಅನುಷ್ಠಾನಗೊಳಿಸಲಾಗುತ್ತಿದೆ.
ಯಾರಿಗೆಲ್ಲಾ ಪ್ರಯೋಜನ?: ಈ ಕೇಂದ್ರವು ನವೋದ್ಯಮಗಳು, ಡ್ರೋನ್ ತಯಾರಕರು, ಸಂಶೋಧಕರು, ರಕ್ಷಣಾ ವಲಯದ ಬಳಕೆದಾರರು ಹಾಗೂ ಉದ್ಯಮ ಕ್ಷೇತ್ರಕ್ಕೆ ತಮ್ಮ ಹೊಸ ತಂತ್ರಜ್ಞಾನಗಳನ್ನು ಪರೀಕ್ಷಿಸಲು ಮತ್ತು ಮೌಲ್ಯಮಾಪನ ಮಾಡಲು ನೆರವಾಗಲಿದೆ.
ಆವಿಷ್ಕಾರಕರು ತಮ್ಮ ಪ್ರಯೋಗಾಲಯದ ಪರಿಕಲ್ಪನೆಗಳನ್ನು ಪ್ರಾಯೋಗಿಕ ಹಾರಾಟ ಮತ್ತು ವಾಣಿಜ್ಯೀಕರಣದ ಹಂತಕ್ಕೆ ಕೊಂಡೊಯ್ಯಲು ಅಗತ್ಯವಿರುವ ಮೂಲಸೌಕರ್ಯವನ್ನು ಒದಗಿಸುವುದು ಹಾಗೂ ಡ್ರೋನ್ ತಂತ್ರಜ್ಞಾನ ಮತ್ತು ಭವಿಷ್ಯದ ವೈಮಾನಿಕ ಕ್ಷೇತ್ರದಲ್ಲಿ ಕರ್ನಾಟಕದ ನಾಯಕತ್ವವನ್ನು ಬಲಪಡಿಸುವುದು ಈ ಯೋಜನೆಯ ಮುಖ್ಯ ಉದ್ದೇಶವಾಗಿದೆ ಎಂದು ಗೃಹ ಸಚಿವ ಪ್ರಿಯಾಂಕ ಖರ್ಗೆ ತಿಳಿಸಿದ್ದಾರೆ.
