ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಫೆಬ್ರವರಿ-1ರಂದು ಭಾನುವಾರ 2026-27ನೇ ಸಾಲಿನ ಕೇಂದ್ರ ಬಜೆಟ್ ಮಂಡಿಸಿ ವಿಕಸಿತ ಭಾರತ ಮತ್ತು ಆತ್ಮ ನಿರ್ಭರ ಭಾರತಕ್ಕೆ ಆದ್ಯತೆ ನೀಡುವ ಮಹತ್ವದ ಬಜೆಟ್ ಮಂಡಿಸಿದರು.
ಕೇಂದ್ರದ ಬಜೆಟ್ನ ಪ್ರಮುಖ ಅಂಶಗಳಲ್ಲಿ ಆರ್ಥಿಕತೆಗೆ ಉತ್ತೇಜನ ನೀಡಲು ಕೆಲ ವಸ್ತುಗಳು ಅಗ್ಗವಾದರೆ, ಕೆಲವು ದುಬಾರಿಯಾಗಲಿವೆ.
ಕೆಲ ವಸ್ತುಗಳ ಮೇಲಿನ ತೆರಿಗೆ ಮತ್ತು ಕಸ್ಟಮ್ಸ್ ಸುಂಕ ಕಡಿತಗೊಳಿಸಿದ್ದು ಆ ವಸ್ತುಗಳು ಅಗ್ಗವಾಗಲಿವೆ. ಅಗತ್ಯ ಔಷಧಗಳು, ಎಲೆಕ್ಟ್ರಿಕ್ ವಾಹನಗಳು ಮತ್ತು ಚರ್ಮದ ಉತ್ಪನ್ನಗಳಂತಹ ವಸ್ತುಗಳ ಮೇಲಿನ ಸುಂಕ ಮತ್ತು ಕಸ್ಟಮ್ಸ್ ಸುಂಕ ಕಡಿತಗೊಳಿಸಿದ್ದು ಇವುಗಳು ಅಗ್ಗವಾಗಲಿವೆ. ಕೈಗಡಿಯಾರ ಮತ್ತು ಆಲ್ಕೋಹಾಲ್ ಸೇರಿದಂತೆ ಐಷಾರಾಮಿ ಸರಕುಗಳ ಮೇಲಿನ ಹೆಚ್ಚಿನ ತೆರಿಗೆ ಕೊಂಚ ಏರಿಕೆ ಮಾಡಲಾಗಿದ್ದು ಇವು ದುಬಾರಿಯಾಗಲಿವೆ.
ಯಾವ ವಸ್ತುಗಳು ಇಳಿಕೆ?:
ಮೈಕ್ರೋವೇವ್ ಪರಿಕರಗಳು, ಅಗತ್ಯ ಔಷಧಗಳು ಮತ್ತು ಕೆಲ ಆಮದು ಸರಕುಗಳು ಅಗ್ಗವಾಗಲಿವೆ ಎಂದು ನಿರ್ಮಲಾ ಸೀತಾರಾಮನ್ ಘೋಷಿಸಿದರು.
ಕೇಂದ್ರ ಬಜೆಟ್ ನಲ್ಲಿ ಸುಂಕ ಕಡಿತಗೊಳಿಸಿದ್ದು ಮೈಕ್ರೋವೇವ್ ಓವನ್ಗಳು, ಇವಿ ಬ್ಯಾಟರಿಗಳು, ಸೌರ ಫಲಕಗಳು ಮತ್ತು ವಿಮಾನದ ಬಿಡಿ ಭಾಗಗಳು ಅಗ್ಗವಾಗಲಿವೆ. ಹಾಗೆಯೇ ಮಧುಮೇಹ ಮತ್ತು ಕ್ಯಾನ್ಸರ್ ರೋಗಗಳ ಔಷಧಗಳು ಸೇರಿದಂತೆ 17 ಔಷಧಗಳ ದರ ಸಹ ಕಡಿಮೆಯಾಗಲಿದೆ.
ಭಾರತದಲ್ಲಿ ತಯಾರಾದ ಸ್ಮಾರ್ಟ್ಫೋನ್ಗಳು ಮತ್ತು ಟ್ಯಾಬ್ಲೆಟ್ಗಳು ಸಹ ಅಗ್ಗವಾಗಲಿವೆ. ವೈಯಕ್ತಿಕ ಬಳಕೆಗಾಗಿ ಉದ್ದೇಶಿಸಲಾದ ಕೆಲವು ಆಮದು ಮಾಡಿಕೊಳ್ಳುವ ವಸ್ತುಗಳ ಬೆಲೆಗಳು ಸಹ ಇಳಿಕೆಯಾಗಲಿದೆ.
ಬಜೆಟ್ ನಲ್ಲಿ ಚರ್ಮದ ಆಮದು ಸುಂಕ ಇಳಿಕೆ ಮಾಡಲಾಗಿದೆ. ಪರಿಣಾಮ ಪಾದರಕ್ಷೆ ಸೇರಿ ಚರ್ಮದ ಉತ್ಪನ್ನಗಳು ಅಗ್ಗವಾಗಲಿವೆ. ಜೊತೆಗೆ ಚರ್ಮ ರಫ್ತುದಾರರಿಗೆ ಉತ್ತೇಜನ ಸಿಗಲಿದೆ.
ಯಾವೆಲ್ಲ ದುಬಾರಿ? :
ಐಷಾರಾಮಿ ಕೈಗಡಿಯಾರಗಳು, ರಸಗೊಬ್ಬರ, ಆಮದು ಮಾಡಿಕೊಳ್ಳುವ ಮದ್ಯ
ಕಾಫಿ ಹುರಿಯುವುದು, ಬ್ರೂಯಿಂಗ್ ಮತ್ತು ವೆಂಡಿಂಗ್ ಮೆಷಿನ್ಗಳ ಮೇಲಿನ ವಿನಾಯಿತಿ ಕಡಿತ ಮಾಡಿದ್ದು ದುಬಾರಿಯಾಗಲಿವೆ.
ಅಮೋನಿಯಂ ಫಾಸ್ಫೇಟ್ ಅಥವಾ ಅಮೋನಿಯಂ ನೈಟ್ರೋ-ಫಾಸ್ಫೇಟ್ ಮೇಲಿನ ಆಮದು ಶುಲ್ಕ ವಿನಾಯಿತಿ ಕಡಿತದಿಂದ ಕೆಲವು ರಸಗೊಬ್ಬರಗಳ ಬೆಲೆ ಏರಿಕೆ. ಆಮದಾಗುವ ಟಿವಿ ಪರಿಕರಗಳು, ಕ್ಯಾಮೆರಾಗಳು ಮತ್ತು ಚಲನಚಿತ್ರ ಚಿತ್ರೀಕರಣಕ್ಕಾಗಿ ಬಳಸುವ ಉಪಕರಣಗಳು ಸಹ ದುಬಾರಿ ಆಗಲಿವೆ.
ಅಂತಾರಾಷ್ಟ್ರೀಯ ಪ್ರಯಾಣ, ವಿದೇಶಿ ಶಿಕ್ಷಣ ಹೆಚ್ಚು ಕೈಗೆಟುಕುವ ದರದಲ್ಲಿ ವಿದೇಶಿ ಪ್ರವಾಸೋದ್ಯಮ ಪ್ಯಾಕೇಜ್ಗಳ ಮೇಲಿನ ಮೂಲದಲ್ಲಿ ಸಂಗ್ರಹಿಸಲಾದ ತೆರಿಗೆ (TCS) ಅನ್ನು ಶೇ 5-20 ರಿಂದ ಶೇ2 ಕ್ಕೆ ಇಳಿಸಲು ಬಜೆಟ್ ಪ್ರಸ್ತಾಪಿಸಿದೆ. ಇದು ಭಾರತೀಯ ಗ್ರಾಹಕರಿಗೆ ಅಂತಾರಾಷ್ಟ್ರೀಯ ಪ್ರಯಾಣವನ್ನು ಹೆಚ್ಚು ಕೈಗೆಟುಕುವಂತೆ ಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ.
ಇದಲ್ಲದೆ, ವಿದೇಶದಲ್ಲಿ ಶಿಕ್ಷಣ ವೆಚ್ಚಗಳಿಗಾಗಿ ಉದಾರೀಕೃತ ರವಾನೆ ಯೋಜನೆ (LRS) ಅಡಿ ಮೂಲದಲ್ಲಿ ಕಡಿತಗೊಳಿಸಲಾದ ಕಡಿಮೆ ತೆರಿಗೆ (TDS) ಅನ್ನು ಬಜೆಟ್ ಪ್ರಸ್ತಾಪಿಸಿದೆ. ಇದು ವಿದೇಶಿ ಶಿಕ್ಷಣವನ್ನು ಬಯಸುವ ವಿದ್ಯಾರ್ಥಿಗಳ ವೆಚ್ಚವನ್ನು ಮತ್ತಷ್ಟು ಕಡಿಮೆ ಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ.
ಆಮದುಗಳ ಮೇಲಿನ BCD ಕಡಿತ:
ವೈಯಕ್ತಿಕ ಬಳಕೆಗಾಗಿ ಆಮದು ಮಾಡುವ ಎಲ್ಲಾ ಡ್ಯೂಟಿ ಯೋಗ್ಯ ವಸ್ತುಗಳ ಮೇಲಿನ ಟ್ಯಾರಿಫ್ ದರವನ್ನು ಶೇ 20ರಿಂದ 10ಕ್ಕೆ ಇಳಿಸಲಾಗಿದೆ.
