ಗೂಳ್ಯ ಗ್ರಾಮದಲ್ಲಿ ZECC ಪ್ರಾತ್ಯಕ್ಷಿಕೆ ಹಾಗೂ ಅಡಿಕೆ–ತೆಂಗು ಕೀಟ ನಿರ್ವಹಣೆ ಜಾಗೃತಿ ಕಾರ್ಯಕ್ರಮ

ಚಂದ್ರವಳ್ಳಿ ನ್ಯೂಸ್, ಹಿರಿಯೂರು/​ಗೂಳ್ಯ:
ಶಿವಮೊಗ್ಗದ ಕೆಳದಿ ಶಿವಪ್ಪ ನಾಯಕ ಕೃಷಿ ಮತ್ತು ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯ ಹಾಗೂ ಹಿರಿಯೂರಿನ ತೋಟಗಾರಿಕೆ ಮಹಾವಿದ್ಯಾಲಯದ ಗ್ರಾಮೀಣ ತೋಟಗಾರಿಕೆ ಕಾರ್ಯಾನುಭವ ಕಾರ್ಯಕ್ರಮದಡಿ ಗೂಳ್ಯ ಗ್ರಾಮದಲ್ಲಿ ಶೂನ್ಯ ಶಕ್ತಿ ಶೀತಲೀಕರಣ (ZECC) ಪ್ರಾತ್ಯಕ್ಷಿಕೆ ಹಾಗೂ ಅಡಿಕೆ–ತೆಂಗು ಕೀಟ ನಿರ್ವಹಣೆ ಜಾಗೃತಿ ಕಾರ್ಯಕ್ರಮ ನಡೆಯಿತು.

Also read

ಕಸಾಪ ಮಾಜಿ ಜಿಲ್ಲಾಧ್ಯಕ್ಷ, ಶಿಕ್ಷಣತಜ್ಞ ಡಾ. ಕೆ.ಎಂ. ವೀರೇಶ್ ಹೃದಯಾಘಾತದಿಂದ ನಿಧನ

​​ZECC ತಂತ್ರಜ್ಞಾನ ಪ್ರಾತ್ಯಕ್ಷಿಕೆ: ಡಾ. ಪ್ರವೀಣ್ ಗಿಡಗಿರಿ ಅವರು ಶೂನ್ಯ ಶಕ್ತಿ ಶೀತಲೀಕರಣ ಘಟಕದ ನಿರ್ಮಾಣ, ಕಾರ್ಯವೈಖರಿ ಹಾಗೂ ಕಡಿಮೆ ವೆಚ್ಚದಲ್ಲಿ ತೋಟಗಾರಿಕಾ ಉತ್ಪನ್ನಗಳನ್ನು ತಾಜಾವಾಗಿಟ್ಟು ಕೊಯ್ಲೋತ್ತರ ನಷ್ಟ ತಡೆಯುವ ವಿಧಾನಗಳನ್ನು ಪ್ರಾತ್ಯಕ್ಷಿಕೆ ಮೂಲಕ ವಿವರಿಸಿದರು.

​ಸಮಗ್ರ ಕೀಟ ನಿರ್ವಹಣೆ(IPM): ಡಾ. ಸಯ್ಯದ್ ಇಮ್ರಾನ್ ಖಾನ್ ಅವರು ಅಡಿಕೆ ಮತ್ತು ತೆಂಗಿನ ಬೆಳೆಗಳನ್ನು ಕಾಡುವ ಕೀಟಗಳು, ಹಾನಿಯ ಲಕ್ಷಣಗಳು ಹಾಗೂ ಪರಿಸರ ಸ್ನೇಹಿ ಸಮಗ್ರ ಕೀಟ ನಿಯಂತ್ರಣ ಪದ್ಧತಿಗಳ ಕುರಿತು ಮಾಹಿತಿ ನೀಡಿದರು.

​ರೈತರ ಸಂವಾದ: ಭಾಗವಹಿಸಿದ್ದ ರೈತರು ತಮ್ಮ ತೋಟದ ಬೆಳೆಗಳ ಸಮಸ್ಯೆಗಳನ್ನು ಹಂಚಿಕೊಂಡು, ತಜ್ಞರಿಂದ ತಾಂತ್ರಿಕ ಸಲಹೆ ಮತ್ತು ಸೂಕ್ತ ಮಾರ್ಗದರ್ಶನ ಪಡೆದುಕೊಂಡರು.

Also read

ದುರ್ಗಕ್ಕೆ ಹರಿದು ಬಂದ ಭದ್ರೆ- ಸೆ.24ರಂದು ಮುಖ್ಯಮಂತ್ರಿಗಳಿಂದ ಗಂಗಾಪೂಜೆ,  ಬೃಹತ್ ಸಾರ್ವಜನಿಕ ಸಮಾರಂಭ

​ಕಾರ್ಯಕ್ರಮದಲ್ಲಿ ಹಿರಿಯೂರಿನ ತೋಟಗಾರಿಕೆ ಮಹಾವಿದ್ಯಾಲಯದ ಪ್ರಾಧ್ಯಾಪಕ ಡಾ. ಸಯ್ಯದ್ ಇಮ್ರಾನ್ ಖಾನ್, ಡಾ. ಪ್ರವೀಣ್ ಗಿಡಗಿರಿ ಭಾಗವಹಿಸಿದ್ದರು.

ಅಂತಿಮ ವರ್ಷದ ತೋಟಗಾರಿಕೆ ವಿದ್ಯಾರ್ಥಿಗಳಾದ ಚೇತನ್ ಆನ್ವೇರಿ, ಈಶ್ವರ್ ಎಸ್. ಅಗಸರ, ಮಹೇಶ್ ಕೊಣ್ಣೂರ, ಮಾಳಪ್ಪ ಜಿ., ಪದ್ಮನಾಭ ಜೋಶಿ, ಶಿವಕುಮಾರ್ ಬನ್ನಿಗೋಳಮಠ, ಶ್ರೇಯಸ್ ಬಿ. ಆರ್. ಹಾಗೂ ಎಸ್. ಎಂ. ವಿಶ್ವನಾಥ್ ಕಾರ್ಯಕ್ರಮದ ಸಂಘಟನೆ ಮತ್ತು ಸಂವಾದದಲ್ಲಿ ಸಕ್ರಿಯವಾಗಿ ಸಹಕರಿಸಿದರು.