ನೀರು ನೀರು ನಮ್ಮ ಜೀವನದ ಅತ್ಯಂತ ಮುಖ್ಯವಾದ ಅಂಶವಾಗಿದೆ. ನೀರಿಲ್ಲದೆ ಯಾವುದೇ ಜೀವಿಯೂ ಬದುಕಲು ಸಾಧ್ಯವಿಲ್ಲ. ಮನುಷ್ಯರು, ಪ್ರಾಣಿಗಳು ಹಾಗೂ ಸಸ್ಯಗಳು ಎಲ್ಲವೂ ನೀರಿನ ಮೇಲೆ ಅವಲಂಬಿತವಾಗಿವೆ. ನೀರು ಪ್ರಕೃತಿಯ ಅಮೂಲ್ಯ ಕೊಡುಗೆಯಾಗಿದೆ.
ನೀರು ನಮ್ಮ ದೇಹವನ್ನು ಆರೋಗ್ಯವಾಗಿರಿಸಲು ಸಹಾಯ ಮಾಡುತ್ತದೆ. ದೇಹದ ಉಷ್ಣತೆಯನ್ನು ನಿಯಂತ್ರಿಸಿ, ದೇಹದ ಕಾರ್ಯಗಳು ಸರಿಯಾಗಿ ನಡೆಯಲು ನೆರವಾಗುತ್ತದೆ. ನೀರು ದೇಹದಲ್ಲಿನ ಅಶುದ್ಧಿಗಳನ್ನು ಹೊರಹಾಕಿ ದೇಹವನ್ನು ಶುದ್ಧವಾಗಿಡುತ್ತದೆ. ನೀರಿಲ್ಲದೆ ನಮ್ಮ ದಿನನಿತ್ಯದ ಜೀವನ ಅಸಾಧ್ಯ.
ನಾವು ಪ್ರತಿದಿನ 2–3 ಲೀಟರ್ ನೀರನ್ನು ಕುಡಿಯಬೇಕು. ಸ್ನಾನ ಮಾಡಲು, ಅಡುಗೆ ಮಾಡಲು, ಕೈಕಾಲು ತೊಳೆಯಲು ಮತ್ತು ಸ್ವಚ್ಛತೆಗೆ ನೀರು ಅಗತ್ಯ. ನೀರು ನಮಗೆ ಶುದ್ಧವಾಗಿದ್ದರೆ ಮಾತ್ರ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಾಧ್ಯ.
ನೀರಿನ ಸರಿಯಾದ ಬಳಕೆ ಅತ್ಯಂತ ಅಗತ್ಯ. ನೀರನ್ನು ವ್ಯರ್ಥ ಮಾಡದೆ ಸಂರಕ್ಷಿಸಬೇಕು. ನೀರಿನ ಕೊರತೆ ಉಂಟಾದರೆ ಜೀವನವೇ ಕಷ್ಟಕರವಾಗುತ್ತದೆ. ಆದ್ದರಿಂದ ನೀರನ್ನು ಉಳಿಸುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ. ನೀರು ಇದ್ದರೆ ಜೀವನ ಇದೆ.
ಲೇಖನ:ಅನುಷ್ಕಾ, 8ನೇ ತರಗತಿ, ಒನ್ ವರ್ಲ್ಡ್ ಇಂಟರ್ ನ್ಯಾಷನಲ್ ಸ್ಕೂಲ್, ಸರ್ಜಾಪುರ, ಬೆಂಗಳೂರು.
