ಚಂದ್ರವಳ್ಳಿ ನ್ಯೂಸ್, ದೊಡ್ಡಬಳ್ಳಾಪುರ:
ಲಾವಣ್ಯ ಸಂಯುಕ್ತ ಪದವಿ ಪೂರ್ವ ಕಾಲೇಜ್ ನಲ್ಲಿ "ಆದಿಕವಿ ಮಹರ್ಷಿ ವಾಲ್ಮೀಕಿ ಜಯಂತಿ "ಕಾರ್ಯಕ್ರಮವನ್ನು ವಾಲ್ಮೀಕಿ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡುವ ಮೂಲಕ ಶ್ರದ್ದಾ ಭಕ್ತಿಯಿಂದ ಆಚರಿಸಲಾಯಿತು.
ಪದವಿ ಪೂರ್ವ ಮತ್ತು ಪದವಿ ಕಾಲೇಜು ಪ್ರಾಂಶುಪಾಲರಾದ.ಎಂ. ಸಿ. ಮಂಜುನಾಥ್ ಮಾತನಾಡಿ ಬೇಡನಾಗಿದ್ದ "ರತ್ನಾಕರ" ಕಾಡಿನಲ್ಲಿ ಬರುವ ಜನರಿಂದ ದರೋಡೆ ಸುಲಿಗೆ ಮಾಡಿ ಜೀವನ ನಡೆಸುತಿದ್ದರು. ಒಂದು ದಿನ ಹೀಗೆ ಸುಲಿಗೆ ಮಾಡುವಾಗ ನಾರದ ಮಹರ್ಷಿಗಳ ಉಪದೇಶ ದಿಂದ ಪರಿವರ್ತನೆಯಾಗಿ ತಪಸ್ಸು ಮಾಡಿ ವಾಲ್ಮೀಕಿ ಯಾಗಿ ಬದಲಾವಣೆಯಾಗಿ "ಮಹಾಕಾವ್ಯ" ರಾಮಾಯಣ ಬರೆಯಲು ಕಾರಣವಾಯಿತು ಎಂದು ಹೇಳಿದರು.
ಬಿಇಡಿ ಕಾಲೇಜು ಪ್ರಾಂಶುಪಾಲರಾದ ಪ್ರೊ.ಜಿ. ಕೃಷ್ಣಮೂರ್ತಿ ಮಾತನಾಡಿ ಇಡೀ ಪ್ರಪಂಚದಲ್ಲೆ ರಾಮಾಯಣದಂತಹ ಮಹಾಕಾವ್ಯ ಮತ್ತೊಂದಿಲ್ಲ ರಾಮಾಯಣ ಒಂದು ದರ್ಮಗ್ರಂಥವಲ್ಲ ಇದೊಂದು ಮಹಾಕಾವ್ಯ ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಹಿರಿಯ ಉಪನ್ಯಾಸಕರಾದ ಕಾರ್ತಿಕ್, ಮಹಾದೇವ್, ಗಂಗಮೂರ್ತಿರಾಜು,ಪ್ರಕಾಶ್,ಎನ್. ರಶ್ಮಿ,ಆಶಾ, ಹರ್ಷಿತ ಜಿ. ಹಾಗೂ ಎಲ್ಲಾ ವಿಭಾಗಗಳ ಉಪನ್ಯಾಸಕರು ಬಾಗವಹಿಸಿದ್ದರು.
