ಚಂದ್ರವಳ್ಳಿ ನ್ಯೂಸ್, ಯಾದಗಿರಿ : ಇಂಜಿನೀಯರಿಂಗ ವಿವಿಧ ಕೊರ್ಸುಗಳಿಗೆ ಕರ್ನಾಟಕ ಪರೀಕ್ಷಾ ಪ್ರಾಧೀಕಾರದಿಂದ ನಡೆಸುವ ಪರೀಕ್ಷೆಗಳ ಅರ್ಜಿಗಳನ್ನು ಹಾಕಲು ಆನ್ಲೈನ್ ಮೂಲಕ ಅರ್ಜಿಗಳನ್ನು ಕರೆದಿದ್ದು ಕೆಇಎ ಸರ್ವರ ಸಮಸ್ಯೆ ಇಂದ ವಿದ್ಯಾರ್ಥಿಗಳು ಆನ್ಲೈನ್ ಸೆಂಟರ್ಗಳಿಗೆ ಅಲೆದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ.
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದಿಂದ ಸಿಇಟಿ ಆನ್ಲೈನ್ ಅರ್ಜಿಯನ್ನು ಕರೆದಿದ್ದು ಅರ್ಜಿ ಹಾಕಲು ಕಡೆಯ ದಿನಾಂಕ: 18-02-2024 ಆಗಿರುತ್ತದೆ. ಈಗಲೇ ಸರ್ವರ ಸಮಸ್ಯೆಯು ಎದುರಾಗಿದ್ದು ವಿದ್ಯಾರ್ಥಿಗಳು ಅರ್ಜಿ ಹಾಕಲು ಅಲೆದಾಡುವಂತಾಗಿದೆ. ಸೈಬರ್ ಸೆಂಟರ್ ಮುಂದೆ ವಿದ್ಯಾರ್ಥಿಗಳು ಗಂಟೆಗಂಟಲೆ ಕುಳಿತು ಅರ್ಜಿ ಹಾಕುವ ಪ್ರಸಂಗ ಎದುರಾಗಿದೆ.
ಒಂದು ಗಂಟೆ ಸರ್ವರ್ ಬಂದರೆ ಎರಡು ಗಂಟೆಗಳ ಕಾಲ ಬ್ಯೂಸಿಯಾಗುತ್ತದೆ ಎಂದು ವಿದ್ಯಾರ್ಥಿಗಳ ಪಾಲಕರು ಹೇಳುತ್ತಿದ್ದಾರೆ. ಇದರಿಂದ ವಿದ್ಯಾರ್ಥಿಗಳು ಹಾಗೂ ಪಾಲಕರಿಗೆ ಆನ್ಲೈನ್ ಸೆಂಟರ್ಗಳಿಗೆ ಅಲೆದಾಡುವ ಸಮಸ್ಯೆಯಾಗಿದೆ.
ಆದ ಕಾರಣ ಅರ್ಜಿಯ ಕೊನೆಯ ದಿನಾಂಕವನ್ನು ಮುಂದುಡಿಸಲು ಪರೀಕ್ಷಾ ಪ್ರಾಧಿಕಾರಕ್ಕೆ ವಿದ್ಯಾರ್ಥಿಗಳ ಪರವಾಗಿ ಚಂದನ್ ಅವಂಟಿ ಇಡ್ಲೂರ ರವರ ಮನವಿ..
